Врз основа на Одлуката за објавување конкурс за ученици од основното и средното образование по повод Денот на осигурување ‒ 1 ноември и одобрување средства број 02-5341/2 од 21.9.2020 година, Агенцијата за супервизија на осигурување, Република Северна Македонија објавува

КОНКУРС за ученици од основното и средното образование  по повод Денот на осигурување ‒ 1 ноември

Тема и услови на конкурсот за учениците од основното образование

• Учениците од основното образование, од 1 до 5 одделение може да испратат ликовна творба на зададена тема:

Ликовна творба –  “Осигурувањето како заштита на мојата иднина’’

• Учениците од основното образование, од 6 до 9 одделение може да испратат литературна творба на зададена тема:

Литературна творба – ’’Полисата за осигурување е моја инвестиција’’

За избраните најдобри творби на учениците од основно образование ќе им бидат доделени вкупно 6 награди, и тоа:

• 3 награди за најдобра ликовна творба ‒ цртеж/дигитален цртеж за учениците од 1 до 5 одделение;
• 3 награди за најдобра литературна творба – песна за учениците од 6 до 9 одделение;

На учениците чиишто творби се наградени ќе им биде доделена парична награда во износ од 3.000,00 денари за најдобра литературна и ликовна творба, со депонирање на паричната награда во банка по нивен избор.

Тема и услови на конкурсот за учениците од средно образование

Учениците од средното образование може да учествуваат на конкурсот со испраќање на литературна творба ‒ расказ/есеј на зададена тема:  

„Животот е полн со изненадувања, осигурувањето е моја финансиска безбедност и заштита “

За избраните најдобри творби на учениците од средното образование ќе им бидат доделени вкупно 3 награди за најдобар расказ/есеј. На учениците чиишто творби се наградени, ќе им биде доделена парична награда во износ од 6.000,00 денари со депонирање на паричната награда во банка по нивен избор.

Целосниот конкурс и условите за аплицирање можете да ги погледнете на следниот линк. 

Запознајте се подетално со осигурувањето!

• Погледнете како функционира осигурувањето преку нашиот портал за едукација!
• Погледнете зашто е потребно осигурувањето можете да најдете во Водичот за лични финансии „Паметно управување со парите“ на страна 67 (Дел 5)