Në vendin e aksidentit, shoferët pjesëmarrës në aksident janë të obliguar që menjëherë t’i largojnë automjetet nga rruga për qarkullim më të sigurt dhe të plotësojnë dhe nënshkruajnë raportin evropian.

• Përdorni vetëm 1 komplet për 2 automjete që kanë marrë pjesë në aksident (d.m.th. 2 komplete për 3 automjete, etj.), nuk ka rëndësi se kopja e kujt është plotësuar, as cili pjesëmarrës e plotëson atë,
• Përdorni një stilolaps kur mbushni Raportin,
• Kushtojini vëmendje të veçantë pyetjeve të mëposhtme!

• për pyetjet 6 dhe 8 (regjistroni të dhënat e policës Tuaj apo kartonit jeshil)

• për pyetjen 9 (regjistroni të dhënat e lejes Tuaj të qarkullimit)

• për pyetjen 10 shënoni saktë vendin e përplasjes

• për pyetjen 12 (shënoni variantet (1-17) që lidhen me aksidentin dhe nënvizoni numrin e përgjithshëm të katrorëve)

! E RËNDËSISHME:

Mbajeni Raportin evropian në automjet, duke e pasur gjithmonë pranë dhe lexoni manualin e tij në detaje.

Për të gjitha informacionet në lidhje me trajtimin e një aksidenti, kontaktoni shoqërinë tuaj të sigurimeve.

Ju duhet të nënshkruani raportin dhe t’ia jepni shoferit tjetër për ta nënshkruar. Një kopje e ruani për vete dhe tjetrën ia jepni shoferit të përfshirë në aksident.

Raportin e nënshkruar i dorëzohet sa më parë shoqërisë ku është i siguruar mjeti me të cilin është shkaktuar aksidenti rrugor.

Mos harroni të tregoni se kur dëmtimi i automjetit tuaj mund të kontrollohet dhe vlerësohet nga një ekspert.

Mos bëni asnjë ndryshim në faqen e parë të Raportit.

Jepni emrat dhe adresat nëse ka dëshmitarë okularë. Nëse ndërmjetësohet nga policia, shënoni emrat e punonjësve të policisë.